يا يمه ماحد يدري بس الله اعلم
حبه جوا مخلوق ينبض مع الدم
♥️♥️♥️♥️♥️♥️♥️
@kadmous.eatery
مافي داعي خبركن اديش بحبه
مافي داعي خبركن اديش اكلو طيب لأنو صرتو بتعرفو
الشغلة الجديدة يلي جربتا اليوم كانت فطاير السجق بالجبنة 🔥🔥🔥🔥 يمييي بتشل يلي بيحب السجق لازم يجربها
كاسات الشاي صغرانين بس حليانين 😉 شوفوهن بالستوري
الشغلة الوحيدة يلي لازم كون معكن امينة فيها ..
اذا معجوق ما تفوتو لأنو الستاف ما بقا يلحق وبدكن تضلو تنادولن على كل شغلة .. لهيك انا حتى ما ازعج نفسي وانزع مرائي اذا بلاقيه معجوق ما بفوت ابداً
ماعدا ذلك جوه بيجنن اكله بيجنن محلفظ على نفس السوية الممتازة من اول مافتح لهلأ
ولا مرة جربت عنده شي ولقيت انو متغير او متراجع
بيضل بالنسبة الي رقم ١ بهاد النوع من الفطور
ويلي ماجربه لسا ضروري يجرب
الاسعار موجودة على تطبيق موڤو
و بس .. باااااي 😘
ملاحظة : مكانه بآخر شارع الحمرا عاليمين مقابل صيدلية نويلاتي او زارا سابقاً .
.
.
.
.
.
.
.
.
.
#يمي#ام_كرش#فتاة_بتحب_كرشها#فطور#مناقيش#مناقيش_زعتر#فطاير#معجنات#فطاير_جبنة#حمص#مسبحة#محمرة#زعتر_اخضر#دمشق#اكسبلور#سجق#yummyfood#arabicfood#fromtheoven#explore#damascus#pastry#bakery#hummus#bakersofinstagram#thyme#cheese#foodporn#brekfast#food_girl
رايحة وايدي على قلبي انو يطلع جو المحل متل جو بدر خلف رجالي بامتياز كأني قاعدة بقهوة الشرق الاوسط ..
الحمد لله ما طلع الوضع هيك 😍🙏🏻
المكان حلو وجوه رايئ 😌
صح مو كتير مساحة واسعة بس اذا مو عجئة رواء القعدة 😌
وهلأ عرفت تمام شو قصدت نانا لما نزلت عنه بوست وقالت : الأغاني حلوين 😂♥️
@foodgeek.sy
عنجد ذوق يلي بيختار الأغاني 🔥 🔥🔥🔥
مالي قلب اطلع من المطعم مع اني مو من نوع الأشخاص يلي بيحبو بيقعدو وقت طويل خصوصاً إذا خلصت اكل .
المهم .. عم تقولو شو بدنا بقصة حياتك كالعادة عطينا المفيد :
المطعم اسمه : بيت عامر
@beit.amer
ما بعرف اذا قصدت عامر كاسم علم
والا متل وقت بتكوني معزومة عند الناس وبتقولي بيتكن عامر .. ماعلينا انما حلو الاسم حبيته مختلف و بيعلق بالراس 👏🏻
مكانه بالميدان مول big5 / الطابق الاول
يعني اذا زحمة عالاسانسور المعفن تبع البيغ فايف ما بتهكلو هم فيكن تطلعو عالدرج 👏🏻
منجي للمفيد
الاكل طيب .. طيب كتير
الصفيحة بتجنن العجينة الرقيقة المقرمشة 😍 يمييي
اللبنية طيبة مع اني بحب الطبقة الخارجية فيها تكون متماسكة اكتر شوي 😇
الأوزي يفوووز عنجد بيشل كان لازم سمعكن بالفيديو الصوت وقت عم نقسمه 😋
ترافقه التبولة يلي حاطينها بقطع خس افرنجي و طعمتها ولا أطيب كتيييير بنصح تاخدوها من ضمن المقبلات نسبة الحمض الصح 💯👏🏻 باختصار فخمة .
اخدنا برك متل مو شايفين بالصورة شكلها على فطاير مو عجينة البرك المعتادة بس مافي كلام لا عالعجينة ولا على طعمة الجبنة ♥️
الستاف سوووبر حبابين وكتير خدمتهن سريعة وتعاملهن لطيف
والنظافة مليون 🤍
وللناس يلي بتصرعني بالسؤال المستمر عن الاراجيل
رفقاتي قالو ممتازة وطيبة ارجيلته 🙄
يا رب تتذكرو انو مضرة بالصحة 😒 وانا ما بأرجل 🥰
كتير متحمسة روح مرة تانية وجرب شغلات جديدة
بليز يلي بيعرف عنده شغلات طيبة كتير ينصحني فيها بالتعليقات 😊
حطيتلكن من ضمن الصور قائمة الأشياء الموجودة عنده
وعلى الباب من برا في قائمة طووووووويلة وكبييييييرة مكتوب عليها الأسعار فيكن تطلعو عليها قبل ما تفوتو .
واذا رحتو جربتوه وكانو حاطين غنية حلوة عملولي منشن بالستوري 😇♥️
وبااااااي 😘
.
.
.
.
.
.
.
.
.
#ام_كرش#فتاة_بتحب_كرشها#صفيحة#كبة_لبنية#تبوله#عيران#اوزي#وين_تغديت#دمشق#اكسبلور#اكسبلور_explore#شاي#foodporn#foodie#food_girl#arabicfood#foodstagram#instafoodie#damascus#teatime#Safiha#Ayran#Tabbouleh#Kibbeh#explore#exploremore#teatime#instalike#instamood#foodblogfeed#delicious